ভাৰতীয় ৰিজাৰ্ভ বেংকে চলিত বিত্তীয় বৰ্ষৰ জুন মাহৰ অন্তলৈ দেশৰ বৈদেশিক ঋণৰ সবিশেষ তথ্য প্ৰকাশ কৰিছে। প্ৰকাশিত তথ্য অনুসৰি, ২০২১-২৬ বিত্তীয় বৰ্ষৰ প্ৰথম ত্ৰৈমাহত দেশৰ মুঠ বৈদেশিক ঋণ ১৫.৪ বিলিয়ন ডলাৰ বৃদ্ধি পাই ৭৭৮.২ বিলিয়ন ডলাৰ হৈছেগৈ। মাৰ্চ মাহৰ শেষত এই পৰিমাণৰ তুলনা কৰি এই বৃদ্ধি পৰিলক্ষিত হৈছে।
অৱশ্যে মুঠ ঘৰুৱা উৎপাদন অৰ্থাৎ জিডিপিৰ তুলনাধীন বৈদেশিক ঋণৰ অনুপাত সামান্য হ্ৰাস পাইছে। মাৰ্চ মাহত এই অনুপাত ২০.৯ শতাংশ থকাৰ বিপৰীতে জুন মাহৰ অন্তলৈ ই ২০.৮ শতাংশলৈ হ্ৰাস পাইছে। এই পৰিসংখ্যাই দেশৰ অৰ্থনৈতিক বিকাশৰ সৈতে ঋণৰ ভাৰসাম্যৰ এক স্পষ্ট ছবি দাঙি ধৰিছে।
তথ্য অনুসৰি, আমেৰিকান ডলাৰৰ বিপৰীতে য়েেন আৰু ইউৰোৰ দৰে প্ৰধান মুদ্ৰাসমূহৰ মূল্য বৃদ্ধি পোৱাৰ ফলত ০.৯ বিলিয়ন ডলাৰৰ মূল্যায়ন লাভ হৈছে। যদি এই মূল্যায়ন প্ৰভাৱক বাদ দিয়া হয়, তেন্তে প্ৰকৃত বৈদেশিক ঋণৰ বৃদ্ধি ১৫.৪ বিলিয়ন ডলাৰৰ সলনি ১৬.৪ বিলিয়ন ডলাৰ হ'লহেঁতেন।
জুন মাহৰ অন্তলৈ এবছৰৰ অধিক ম্যাদ থকা দীৰ্ঘদিনীয়া ঋণ ৬২৪.৭ বিলিয়ন ডলাৰলৈ বৃদ্ধি পাইছে। ইফালে, মুঠ বৈদেশিক ঋণৰ ক্ষেত্ৰত আমেৰিকান ডলাৰৰ মুদ্ৰাত থকা ঋণ সৰ্বাধিক অৰ্থাৎ ৫৪.৮ শতাংশ হৈ আছে। ইয়াৰ পিছতে ভাৰতীয় টকাত ২৯.৮ শতাংশ ঋণ আছে বুলি আৰবিআইৰ প্ৰতিবেদনত উল্লেখ কৰা হৈছে।