প্ৰাণী কল্যাণ আৰু জনস্বাস্থ্যৰ সুৰক্ষাৰ প্ৰতি লক্ষ্য ৰাখি জাপানে দেশখনৰ বিভিন্ন পশু কেফেৰ ওপৰত প্ৰথমবাৰলৈ এক ব্যাপক জৰীপ চলোৱাৰ পৰিকল্পনা কৰিছে। বিগত কেইটামান বছৰত এই কেফেসমূহৰ জনপ্ৰিয়তা দ্ৰুতগতিত বৃদ্ধি পোৱাৰ ফলত তাত থকা প্ৰাণীসমূহৰ মৰ্যাদা, স্বাস্থ্য আৰু পৰিচৰ্যা লৈ বিভিন্ন মহলত প্ৰশ্ন উত্থাপিত হৈছিল।
পশু কেফে বুলিলে এনেবোৰ প্ৰতিষ্ঠান বুজায় য'ত গ্ৰাহকে চাহ বা কফি খোৱাৰ লগতে মেকুৰী, কুকুৰ তথা অন্যান্য বিভিন্ন Exotic প্ৰাণীৰ কাষত সময় কটাব পাৰে। কিন্তু এই প্ৰাণীসমূহক দীৰ্ঘসময় ধৰি আৱদ্ধ ঠাইত ৰাখিলে সিহঁতৰ মানসিক আৰু শাৰীৰিক অৱস্থাৰ ওপৰত কি প্ৰভাৱ পৰে, সেই বিষয়ে এতিয়ালৈকে কোনো আনুষ্ঠানিক মূল্যায়ন হোৱা নাছিল।
Background: চৰ্ত পূৰ্ণ নোহোৱালৈকে মুকলি কৰা নহয় হৰমুজ প্ৰণালী, ইৰাণৰ স্পষ্টীকৰণ
ইয়াৰোপৰি, এই প্ৰাণীসমূহৰ পৰা মানুহৰ দেহলৈ কোনো সংক্ৰামক ৰোগ বিয়পাৰ সম্ভাৱনা আছে নে নাই, তাৰ ওপৰতো স্বাস্থ্য বিশেষজ্ঞসকলে উদ্বেগ প্ৰকাশ কৰি আহিছে। এই জৰীপৰ জৰিয়তে চৰকাৰে প্ৰতিষ্ঠানসমূহৰ আন্তঃগাঁথনি, পৰিষ্কাৰ-পৰিচ্ছন্নতা আৰু প্ৰাণীৰ চিকিৎসা ব্যৱস্থা পৰীক্ষা কৰিব বুলি জানিব পৰା গৈছে।
এই জৰীপৰ ফলাফলৰ ওপৰভিত্তি কৰি ভৱিষ্যতে জাপানিজ কতৃপক্ষই পশু কেফে পৰিচালনাৰ বাবে অধিক কঠোৰ নিয়ম বা নীতি-নিৰ্দেশনা প্ৰস্তুত কৰাৰ সম্ভাৱনা আছে। ইয়াৰ দ্বাৰা প্ৰাণীৰ ওপৰত হোৱা অত্যাচাৰ ৰোধ কৰাৰ লগতে গ্ৰাহকৰ স্বাস্থ্য সুৰক্ষিত কৰাত সুবিধা হ'ব।